"बहर बहार-शृङ्खला ८"

"बहर बहार-८"

कहाँ जिन्दगी यो बगर हो भनेर,
हुँदा जोस उड्थे सगर हो भनेर
-राजीव जि.सी 'संघर्षी
०
हिँडेको छु एक्लै सदा जिन्दगीमा
यही जिन्दगीको नगर हो भनेर
-राम कँडेल अधीश
०
पलाउन्न मायाँ जती पाेखिए नि
भनेकै हुँ छाती बगर हाे भनेर
-विजय योजित
०
छुटेकी थियौ यो अधरमा चुमेर
नियाल्थेँ म त्यो यै नगर हो भनेर
-अमन एकल
०
पुगे आज ब्यर्थै मसान् घाट साथी
हिडे थें म प्रेमको नगर हॊ भनेर
-बेहोशी भिम रसाईली
०
भुतुक्कै हुनेछौ, नहेरे मलाई
भनेकै छु यो चोर नजर हो भनेर
-रिना बोम्जन तामाङ
०
तिमी हात छोड्ने कुरा चैं नगर्नू
बिचैमा सफरको रहर हो भनेर
-विनोद परिवर्तित
०
अमर प्रीति हाम्रो भएको छ हेला !
दलित हो भनेर मगर हो भनेर ।।
-युवराज खतिवडा
०
नयाँ हो जमाना नयाँ केश मेरो
कि सोच्यौ गधाको जगर हो भनेर
-रमेश 'गोठालो
०
म छानी रहेथेँ धुपीबाट सल्ला
बचेको हिमाली अगर हो भनेर
-लालकाजी श्रेष्ठ
********
बहर:- मुतकारिब मुसम्मन सालिम
रुक्न:- १२२-१२२-१२२-१२२
नोट:- माथिको सामुहिक गजल ४ साउन २०७२ (२० जुलाई
२०१५) मा "बहर-बहार" फेसबुक ग्रूपमा गरिएको सामुहिक
अभ्यास बाट साभार गरिएको हो।
-बहर बहार परिवार