समयले कहाँसम्म लान्छ हेरौ डोर्याएर । मारिदिन्छ या ल्याउछ यतै फेरी फर्काएर ।
'गजल'
समयले कहाँसम्म लान्छ हेरौ डोर्याएर ।
मारिदिन्छ या ल्याउछ यतै फेरी फर्काएर ।
सिकारी हो सक्छौ भने मार त्यो बाज् आजै मार,
लगेकोछ हाम्रा कयौं चल्लाहरु उडाएर ।
हेरौं छोरो कस्तो शिक्षा दिन्छ यी सन्ततिलाई ,
बाबा आमा राखेको छ बृद्धआश्रम बनाएर ।
हुर्काउछन बढाउछन पढाउछन छोरीहरू ,
खुसि हुन्छन बाबू आमा तिनेै छोरी अन्माएर ।
बिते कयौं साँझहरु औला भाच्दै प्रहरहरु,
जिन्दगानी यो अनौठो पिंजडामा सजाएर।
:-शिव सुवेदी
शान्तिनगर एक
जुनेली बस्ती
झापा
अचेल:- मलेसिया
Comments
Post a Comment