गजल
°गजल °
न दशै न तिहार रित्तो,निधारलाई सम्झिएर।
खुसी छैन म यहाँ बुनु,तिहारलाई सम्झिएर।
रुदै हौली यो तिहारमा,सम्झेर परदेशी दाजु
तिम्रो त्यो कोमल मनको,प्यारलाई सम्झिएर।
देउसी-भैलोमा सारा साथीसङ्गी रमेको दिन,
टुना,डम्फू,मादल अनी,गितारलाई सम्झिएर।
उनी फूलको मालाहरु ,नपर्खे है दिदीबहिनी,
सयपत्री मखमली त्यो,श्रृङ्गारलाई सम्झिएर।
बटुलेर पुराना यादहरु,भर्दैछु "नविन"मुस्कान,
परदेशी प्रवासमैछु,घरपरिवारलाई सम्झिएर।
-नवीन संघर्ष (सिन्धुली )
Comments
Post a Comment