गजल -निश्चल तामाङ
(गजल)
बिरानो शहरमा कहानी छ मेरो।
अनौठो रहरमा कहानी छ मेरो।
झरे फूल सुन्दर अझै चाह फुल्ने ,
सुनौलो लहरमा कहानी छ मेरो।
म मर्दैछु पलपल ठग्यो भाग्यले नि,
अनेकौं प्रहरमा कहानी छ मेरो।
भनौं खै कसोरी नसोध्यौ तिमीले,
बचनको जहरमा कहानी छ मेरो।
म लेख्दैछु पीडा हजारौं सहेर,
गजलको बहरमा कहानी छ मेरो।
बहर:मुतकारिव मुसम्मन सालिम
रुक्न : १२२ १२२ १२२ १२२
:- निश्चल तामाङ "आरम्भ"
सिन्धुली
Comments
Post a Comment