सभ्य बलत्कारी कविता : आयुस्मा देवकोटा 'आसा'
तपाईंको श्रीमानले यसो गर्दा तपाईं के गर्नु हुन्छ ?मैले शरिर सुम्पने निर्णय गरे ।कारणम मेरो हर चिज बाढ्न सक्छु
आतंक चिच्याहट केही छैन बाहिर
तर ,
मन यति धेरै आतंकित बनिरहेछ
लाग्दैन छ , युद्ध चलिरहेको छ मेरो मनमा ।
बम बारुद खसिरहेछन मुटुको छेउ छाउमा ।
महिनावारी हर महिना लाग्छ
मैले जीवन र मृत्यु तय गर्न सकेकी छैन
आज पनि छट्पटी रहेकी छु ।
कसैले चुसेझै लाग्दै छ ।
म मडारिरहेछु यसरी
जसरी शरिरबाट शिर छुट्टिए पछि कुखुराको शरीर छट्पटीन्छ
एक्कासि आवाज आयो ढोका खुलेको
अब त लाग्दै छ मृत्यु नै आओस्
किनकी,
त्यो आवाज उसको आगमनको थियो
जो मेरो शिरमा एक चिम्टि सिन्दुर लगाएर
जिन्दगीका हर कुरा आधा गर्छु भन्ने मान्छे मेरो श्रीमानको
जो सभ्य बलत्कारि हो ।
मलाई कहिल्यै पनि जबर्जस्ती गरेन
कहिल्यै पनि मेरो चाहानालाई कुल्चेन
तर,
जब म उसको यौन प्रस्तावलाई अस्वीकार गर्छु
त्यतिबेला पनि जबर्जस्ती गर्दैन थियो उ
बरु सहजै उठेर हिडिदिन्थ्यो त्यहाँ
जहाँ उ आफ्नो यौन प्यास बुझाउन सक्थ्यो
अब भन्नुस
तपाईंको श्रीमानले यसो गर्दा तपाईं के गर्नु हुन्छ ?
मैले शरिर सुम्पने निर्णय गरे ।
कारण
म मेरो हर चिज बाढ्न सक्छु
तर
लोग्ने बाँढ्न सक्दिन ।
किनभने,
यो समाजले
मेरो हर चिज
अनि
आधा जिन्दगी उसलाई सुम्पिदिएको छ
चाहे गर्व अबस्थामा हुँ
चाहे रजस्वलाको बेला
सहजै स्विकारि रहे
स्विकारिरहे
उसको बलत्कार
त्यसैले त भन्छु उसलाई सभ्य बल्तकारी
र
उ मात्र हैन म जस्तै हजारौ नारीका श्रीमान
सभ्य बलत्कारि हुन्
:आयुस्मा देवकोटा
क न पा : सिन्धुली
Comments
Post a Comment