झर्दैन जूनतारा,सोच्यौ?झरेर जान्छ-आर्य आयुषा।
[गजल ]
झर्दैन जूनतारा,सोच्यौ?झरेर जान्छ।ढुङ्गा नहाने हुन्छ,बेकार खेर जान्छ।
लाग्दैछ डर अचम्मै आयो बिमान फेरि,
हाम्रा जवान सारा परदेश लगेर जान्छ।
चर्किन्छ क्यारे छाती मन थामिएन यस्सै,
भूकम्प जान्छ अन्तै कम्पन म नेर जान्छ।
जिउदाहरू मरेझैं स्वासै नफेरि बस्छन् ,
शालिकको आँसु पुछ्न मुर्दा उठेर जान्छ।
अन्धो रहेछ भन्लान् भन्नेहरूले पक्कै ,
हररात जान्छ मेरो आँखा बगेर जान्छ।
-आर्य आयुषा
Comments
Post a Comment